عێراق.. خۆپیشاندانەکانی دژی حکوومەت

بەغدا

ھەزاران کەس لە لایەنگرانی سەرکردەی شیعە، موقتەدا سەدر بەمەبەستی چاکسازی لەلایەن حکوومەتەوە، لە شاری بەغدا خۆپیشاندانیان ئەنجام دا.

سەدر بە رێگەی تەلەکۆنفرانس و لەبەرکردنی پۆشاکی کفن گوتارێکی بۆ جەماوەرەکەی خوێندەوە. سەدر داوای چاکسازی لە سەرۆکوەزیرانی عێراق، حەیدەر عەبادی کرد. راشیگەیاند کە پرسی داد لەلایەن نووری مالیکی بە سیاسەت کراوە و پێویستە عەبادی لەم بارەیەوە چاکسازی بکات.

سەدر باسی لە قەیرانی ئابووری کرد و داواشی کرد کە پارەی کارەبا لە بنەماڵە ھەژارەکان نەستێنرێت. داوای لە بەرپرسانی وڵاتیش کرد کە نیوەی مووچەکانیان بدەنە خێزانی ھەژاران و شەھیدان.

سەدر داوای لە لایەنگرانی کرد کە بەمەبەستی چاکسازی ریشەیی لە خۆپیشاندانەکانیان بەردەوام بن.