داعش پەلاماری حەشدی شەعبی دا لە رۆژھەڵاتی عێراق

ھەولێر ــ AA

سەرچاوەیەکی ئەمنی لە عێراق راگەیاند کە لە ئاکامی پەلامارێکی تیرۆریستانی داعش بۆسەر خاڵێکی حەشدی شەعبی لە پارێزگای دیالە رۆژھەڵاتی ئەو وڵاتە، سێ چەکداری حەشدی شەعبی کوژران و برینداربوون.

سەرچاوەکە بۆ میدیا عێراقییەکان ئاشکرای کردووە کە درەنگانی شەوی رابردوو، تیرۆریستانی داعش پەلاماری خاڵێکی حەشدی شەعبییان داوە لە ناوچەی کەباشی سنووری نێوان ناحیەی سەعدییە و قەزای خانەقین باکووری پارێزگای دیالە.

بەگوتەی سەرچاوەکە لە ئاکامی پەلامارەکەدا، چەکدارێکی حەشدی شەعبی کوژراوە و دوو چەکداری دیکەیش برینداربوون.