سوپای عێراق کوژرانی تیرۆریستێکی خۆکوژی راگەیاند

ھەولێر ــ AA

سوپای عێراق کوژرانی تیرۆریستێکی خۆکوژی لە باکووری پارێزگای بەغدا، راگەیاند.

فەرماندەیی ئۆپەراسیۆنەکانی بەغدا لە راگەیەندراوێکدا ئاماژەی بەوەداوە کە پشت بەستن بەزانیارییە ھەواڵگرییەکان، ھێزەکانی سوپا و ئاسایشی نیشتمانیی بە ھاوبەشی لەگەڵ ھێزەکانی حەشدی شەعبی، ئۆپەراسیۆنێکیان لە قەزای تارمییە باکووری بەغدا ئەنجامداوە.

بەپێی راگەیەندراوەکە لە میانی ئۆپەراسیۆنەکەدا، تیرۆریستێکی خۆکوژ کە پشتێنەیەکی بۆمبڕێژکراوی لەخۆبەستبوو، کوژراوە.

باس لەوشکراوە کە پشتێنە بۆمبڕێژکراوەکە لەلایەن تیمەکانی ئەندازیاریی سەربازییەوە، پووچەڵکراوەتەوە.