وەزیری ناوخۆی ئێران ئەسکەندەر موئمنی گەیشتە بەغدا

هەولێر - AA

وەزیری ناوخۆی ئێران ئەسکەندەر موئمنی بە سەرۆکایەتی شاندێکی فەرمی گەیشتە بەغدای پایتەختی عێراق.

بە پێی هەواڵێکی ئاژانسی (ایلنا)ی ئێرانی، موئمنی بەرەبەیانی ئەمڕۆ بە سەرکایەتی شاندێکی فەرمی و لەسەر بانگهێشتی هاوتا عێراقییەکەی عەبدولئەمیر شەمەری گەیشتە بەغدا.

بڕیارە لەسەردانە دوو ڕۆژییەکەی وەزیری ناوخۆی ئێران بۆ بەغدا، پەیوەندییەکانی دوو وڵات، پرسەکانی ناوچەیی، بەرەنگاربوونەوەی تیرۆریزم، قاچاخچییەتی چەک و ماددەی هۆشبەر و هەماهەنگییەکان لە دەروازە سنوورییەکان، لەگەڵ بەرپرسانی عێراقی تاوتوێ بکات.