چەند هێرشێک بۆ سەر کۆیە ئەنجامدرا

هەولێر -AA

کەمێک پێش ئێستا چەند هێرشێک بۆسەر کەمپی ئاوارەکان لە قەزای کۆیە پارێزگای هەولێر ئەنجامدرا.

قایمقامی قەزای کۆیە بە میدیاکانی ڕاگەیاندووە بەیانی ئەمڕۆ بە سێ دڕۆن هێرشکراوەتە سەر قەزای کۆیە و هێرشەکان بۆسەر کەمپی ئازادی بووە.

بەپێی زانیارییەکان جگە لە دڕۆن هێرشی مووشەکیش بۆسەر کەمپەکە هەبووە و تا ئێستا هیچ زیانی گیانی نەبووە.

ئەم هێرشانە لە کاتێکدایە کە جەنگی نێوان ئەمریکا و ئیسرائیل لەگەڵ ئێران لە ڕۆژی شەممەوە دەستی پێکردووە و ئێرانیش بنکەکانی ئەمریکا لە وڵاتان دەکاتە ئامانج و بەهۆیەوە لەمیانی ئەم سێ ڕۆژەدا نزیکەی ٧٥ مووشەک و دڕۆن لە ڕێگای نزیکەی ٣٥ هێرشەوە ئاراستەی هەولێر کراوە و زیاتر سەرنج خراوەتە سەر کۆنسوڵخانەی ئەمریکا لە هەولێر و فڕۆکەخانەی نێودەوڵەتی هەولێر و ئەمڕۆش چەند شوێنێکی کۆیە کراوەتە ئامانج.