کەرکووک.. ھێرشێکی مووشەکی شەش قوربانی لێکەوتەوە

ھەولێر ــ AA

لە ئاکامی ئاراستەکردنی شەش گولـلە ھاوەن بۆسەر بارەگایەکی حەشدی سوننەکان لە باشووری پارێزگای کەرکووک باکووری عێراق، سەربازێک کوژراو و دوو سەرباز و سێ چەکداری حەشدی سوننەکان برینداربوون.

لەمبارەیەوە ئەفسەرێک لە پۆلیسی کەرکووک کە نەیویست ناوی ئاشکرا بکرێت بە ئاژانسی ئانادۆڵوی رايگەیاند، ژمارەیەک چەکداری نەناسراو کە گومان دەکرێت سەربە داعش بن، شەش گولـلە ھاوەنیان ئاراستەی بارەگایەکی حەشدی سوننەکان لە گوندی ئەلبوشەھاب سەربە قەزای داقووق باشووری پارێزگای کەرکووک کردووە.

ئەفسەرەکە ئاماژەی بەوەیشدا کە لە ئاکامی ھێرشەکەدا، سەربازێک کوژراوە و دوو سەرباز و سێ چەکداری حەشدی سوننەکان برینداربوون و گوتی:

"دوای ھێرشەکەش، ھێزەکانی سوپا و حەشدی سوننەکان ئۆپەراسیۆنێکیان لە ناوچەکە بە ئامانجی دەستگیرکردنی ئەنجامدەرانی ھێرشەکە، ئەنجامداوە".