مەقدۆنیا.. خەڵاتکردنی ئۆرھان پامۆک

لە شاری سکوبیە پایتەختی مەقدۆنیا، خەڵاتی ئەدەبیی تابەناکولی بۆ ساڵی ٢٠١٣ بەخشرایە نووسەری ناسراوی تورکیا ئۆرھان پامۆک.

پێش وەرگرتنی خەڵاتەکەی، پامۆک لە کۆنگرەیەکی رۆژنامەوانییدا خۆشحاڵی خۆی بە وەرگرتنی ئەو خەڵاتە دەبڕی و ئاشکرایکرد: تازەترین کتێبی بە ناوی(نامۆییەک لە مێشکمدایە) ئامادەیە و لەماوەیەکی نزیکدا چاپ دەبێ.

پامۆک گوتی: "ئێستا لە تورکیا ئەدیبەکان ئازادن لەسەر قسەکردن دەربارەی ئەدەب. بەڵام لەسەر پرسەکانی دیکە ناوبەناو کێشە دێتەپێش. رۆژنامەنووسان لەژێر فشاردان، لە تورکیا ئەگەر بنووسیت و زایانیاریی بەخەڵک بدەی ئەوا پێدەچێ بگیرێیت و ڕوو بەڕووی زیندان بیتەوە، ھەروەھا لە لایەن خەڵکیشەوە لەکۆمەڵگە دوور دەخرێیتەوە."

پامۆک ھەروەھا گوتی: "ئێستا لە تورکیا زیاتر فشار لەسەر رۆژنامەنووسان و نووسەرانە.  بۆ خۆم ڕوو بەڕووی ھیچ جۆرە ئاستەنگییەک نەبوومەتەوە، بەڵام لە تورکیا ئازادییرادەربڕین لە دۆخێکی زۆر خراپدایەو پێشتریش زۆر باشتر نەبوو." 

خەڵاتی ئەدەبیی تابەرناکوڵی، بریتیە لە پەیکەریکی برۆنزی و خەلڕتـی پارەو ئاڵتوونیش لەخۆ دەگرێ.