سلێمانی.. پێشانگایەکی فۆتۆگرافی تایبەت بە منداڵان

سلێمانی ـ AA

بەسەرپەرشتی وەزارەتی رۆشنبیری و لاوان، بەڕێوەبەرێتی رۆشنبیری منداڵانی سلێمانی لە ھۆڵی مۆزەخانەی ئەمنە سوورەکە، پێشانگایەکی فۆتۆگرافی تایبەت بە منداڵان کردەوە.

لە پێشانگاکەدا چەند فۆتۆیەکی منداڵان لە چەند ناوچەیەکی جیاوازی کوردستان نمایش کرا، کە رەنگدانەوەی ئازاری منداڵانە لە ناوچەکەدا.

لەپێشانگاکەدا لەرێی فۆتۆوە ئازاری منداڵانی ئێزیدی نیشان درا کە بەھۆی جەنگی داعشەوە و پاش ھەڵھاتنی خێزانەکانیان رووبەڕووی کارەسات بوونەتەوە.

پێشانگاکە رۆژی رابردوو کرایەوە و ئەمرۆ کۆتا رۆژی بوو.

تیایدا ژمارەیەکی زۆر لە منداڵان و رۆشنبیران و ھونەرمەندان بەشدار بوون.