هه‌ولێر.. یه‌كه‌م رۆژی قه‌ده‌غه‌ی هاتوچۆ

هه‌ولێر - AA

لە چوارچێوەی رێکارەکانی رووبەڕووبوونەوەی ڤایرۆسی کۆرۆنا، وه‌زاره‌تی ناوخۆی هه‌رێمی كوردستان قەدەغەی ھاتوچۆی لە ھەریەک لە شارەکانی ھەولێر و سلێمانی راگەیاندووه‌ و ھاووڵاتییان پابەندی رێنماییەکانن.

لە کاتژمێر ١٢ی شەوی رابردووەوە قەدەغەی ھاتوچۆ راگەیاندراوە و سەرجەم رێگاکان داخراون و خەڵک لە ماڵەکانیان نەھاتوونەتەدەر.

قەدەغەی ھاتوچۆ بۆ ماوەی ٤٨ کاتژمێر راگەیاندراوە و سەرجەم ھێزە ئەمنی و تەندروستییەکان لە حاڵەتی ئامادەباشیدان و جموجۆڵ لە سەنتەری شارەکان بە ھەموو شێوەیەک وەستاوە، ئەم رێکارە رۆژنامەنووسان و ئاڵوگۆڕی بازرگانی ناگرێتەوە.