١٢ کەسی دیکە لە گەرمیان، تووشی ڤایرۆسی کۆرۆنا بوون

وەزارەتی تەندروستیی ھەرێمی کوردستان رایگەیاند کە لە بەردەوامی پشکنینەکان و گەڕان بەدوای تووشبوواندا، ١٢ تووشبووی دیکەی ڤایرۆسی کۆرۆنای نوێ (COVID-19) لە دەڤەری گەرمیان تۆمارکران.

لە راگەیەنراوەکەی وەزارەتی تەندروستییدا ھاتووە "نۆ پیاو و دوو ئافرەت و کچێکی گەنج، ھەموو تووشبووەکان بەرکەوتووی تووشبووانی پێشوون"

بەپێی ئەو ئامارانەی کە وەزارەتی تەندروستیی حکوومەتی ھەرێمی کوردستان بڵاوی کردوونەتەوە، تا ئێستا ھەزار و ٣٢٤ کەس تووشی ڤایرۆسی کۆرۆنای نوێ (COVID-١٩) بوون، لەنێویاندا ٢٦ مردن ھەیە و٤٥٨ نەخۆش چاکبووەتەوە و ئێستا ٨٤٠ نەخۆش لەژێر چاودێری پزیشکی دان.