Dzihat Aliju
27 Септември 2024•Ажурирај: 29 Септември 2024
СКОПЈЕ (АА) - Инвестициски и трговски форум Северна Македонија-Туркије се одржа во Скопје, известува Анадолу.
На отворањето на форумот организиран од Балканскиот центар за стратегиски истражувања (БАСАМ) во кампусот на Меѓународниот балкански универзитет (МБУ) присуствуваа вицепремиерот на Северна Македонија Изет Меџити, турскиот амбасадор во Скопје Фатих Улусој, претседател на Турската демократска Партијата во Северна Македонија и заменик Бејџан Иљас, пратеникот Беким Ќоку, претседателот на Движење за национално единство на Турците во Македонија, Ердоган Сарач, градоначалникот на Маниса - Тургутлу, Четин Акин, менаџери и претставници на стопански и трговски комори, турски институции и организации во земјата, претставници на локални институции и голем број бизнисмени и гости.
Во својот говор на отворањето на програмата, Меџити го изрази своето задоволство од учеството на овој важен форум и рече дека имаат одлична можност да ги отсликаат своите силни врски и потенцијалот пред нив.
Наведувајќи дека економската соработка меѓу двете земји носи многу придобивки, вицепремиерот Меџити рече:
„Турските инвестиции во Северна Македонија помогнаа во развојот на инфраструктурата и создавањето на работни места, придонесувајќи за стабилноста и економскиот раст на Скопје, Тетово, Гостивар и на Северна Македонија воопшто.“
Меџити посочи дека Форумот за инвестиции и трговија игра важна улога бидејќи обезбедува платформа за размена на идеи.
Амбасадорот Улусој истакна дека Туркије и Северна Македонија се две земји со длабоки историски и културни врски и односи на високо ниво.
Потенцирајќи дека имаат за цел на 2 милијарди долари да го зголемат обемот на трговската размена со Северна Македонија кој во моментов изнесува 1 милијарда долари и зголемување износот на инвестициите, кој денес е околу 2 милијарди долари, Улусој продолжи со зборовите:
„Ажурирањето на договорот за слободна трговија што сега е во сила ќе даде значителен придонес во развојот на нашата трговија. Посакуваме нашата земја да го зајакне своето место како еден од најголемите трговски и инвестициски партнери на Северна Македонија. Свесни сме за потенцијалот што нашите компании го нудат во развојот на Северна Македонија, особено на полето на инфраструктурата, градежништвото, одбранбената индустрија, енергијата и туризам.“
Претседател на БАСАМ и пратеник од Измир во 24-ти состав на турскиот парламент, Рифат Саит, исто така, посака форумот да помине добро, ја сподели и желбата со золемување на трговијата со Северна Македонија да се зголеми пријателството.
Изјавувајќи дека како братски народи посакува да прават добри работи заедно, Саит рече:
„Овие форуми, овие комерцијални преговори се погодни за тоа. Се надевам дека ќе биде од корист“.
Ректорот на МБУ, проф. д-р Љутфи Сунар, домаќинот на настанот, го опиша МБУ како еден од најважните мостови меѓу Туркије и Северна Македонија и истакна дека на универзитетот се школуваат приближно 2.000 студенти од Туркије, а исто толку од Северна Македонија и од регионалните земји.
Истакнувајќи дека се многу среќни што даваат свој придонес за Северна Македонија и за односите Туркије-Северна Македонија, Сунар продолжи со зборовите:
„Вакви настани и активности се случуваат од време на време во текот на годината. Овде сме домаќини на многу академици, истражувачи и деловни луѓе. Се надевам дека овој форумот ќе помогне за развој на реални деловни односи и развој на реални деловни односи меѓу нашите земји. Тоа придонесува за зголемување на увозните и извозните капацитети меѓу земјите и создавање нови продуктивни деловни области.“
Во рамките на програмата свои обраќања имаа Менди Ќира, претседател на стопанската комора на северозападна Македонија, Трајан Ангелоски, претседател на стопанските комори на Северна Македонија и Хаким Сума, државен секретар на Министерството за економија на Северна Македонија, по што им беа доделени плакети на оние кои придонесоа во организирањето на форумот.
Програмата продолжи со настапи на фолклорни група, а се одржаа и панели и Б2Б (business-to-business) средби.
