Биткоинот надмина 77.000 долари за прв пат од мај

Цената на биткоинот надмина 77.000 долари за прв пат од мај, по макроекономските случувања во САД, олеснувањето на состојбите на пазарот на обврзници и сигналите за политичка поддршка, јавува Анадолу.

Според давателот на податоци Коинмаркеткап (Coinmarketcap), вредноста на глобалниот пазар на криптовалути, вклучувајќи го и биткоинот, се зголеми за речиси 6,6 % за 24 часа и достигна 2,6 билиони долари.

Цената на биткоинот, најголемата криптовалута според пазарната капитализација, доби повеќе од 7 % во последните 24 часа со пораст до 77.700 долари од 9:30 часот по Гринич.

Цената на етереумот, кој е втор по пазарна капитализација, се искачи на 2.390 долари со апрецијација од речиси 4,4 %.