Париз: Скелет на диносаурус продаден за 2,36 милиони долари

АНКАРА (АА) - Скелетот на диносаурус беше продаден за 2,36 милиони долари на аукција во Франција, пренесува Anadolu Agency (AA).

Си-Ен-Ен (CNN) известува дека скелетот стар 150 милиони години, и речиси целосно зачуван, е продаден на аукција што се одржа на првиот кат на Ајфеловата кула во Париз. Организаторот е аукциската куќа „Aguttes“.

Скелетот висок 2,6 метри и долг речиси девет метри беше пронајден за време на истражувањата направени во САД помеѓу 2013 и 2015 година.

Фосилот е во добра состојба и сочувани се околу 70 отсто од скелетот на диносаурусот чиј вид допрва треба да го потврдат научниците.

Друштвото за палеонтологија на 'рбетници минатиот месец ја повика аукциската куќа „Aguttes“ да ја откаже продажбата на скелетот од диносаурус чиј вид не е одреден.

Аукциската куќа објави дека дел од приходот од продажбата ќе го донираат во две фондации за заштита на животот во природата.