Британските научници на пациентите тестираат нов лек против Ковид-19

ЛОНДОН

Британските научници започнаа на пациенти да тестираат нов лек кој го развија за лекување на Ковид-19, пренесува Агенција Анадолија (АА).

Новиот лек го разви компанијата од градот Саутхемптон, а тестирањето започна со примена на 75 заболени лица кои се хоспитализирани во универзитетската болница во тој град.

Би-би-си јавува дека лекот е направен на база на интерферон бета протеини кои ги произведува и човечкиот организам и кои се сметаат за прв штит на човековиот имунолошки систем.

Ричард Марсден, челникот на компанијата која го разви лекот изјави дека коронавирусот го блокира произведувањето на интерферон бета протеин во организмот, а дека со новиот лек тие протеини со прскање директно се внесуваат во респираторниот тракт.

Тој изјави дека лекот ќе биде користен и за лекување на други респиторни болести како астма.

Тестирањето на пациентите ќе трае до крајот на јуни, а во случај да се покаже ефикасно, до крајот на годината би можел да и биде достапен и на пошироката јавност.