Во Јапонија поддршка за 9 проекти за вакцина против Ковид-19

ТОКИО (АА) - Во Јапонија, Владата соопшти дека ќе поддржи 9 различни национални проекти во вредност од 66,9 милиони долари за производство на вакцина за новиот вид коронавирус, Ковид-19, пренесува Агенција Анадолија (АА).

Според информацијата на националната телевизија NHK, избрани се проекти на јапонската Агенција за медицински истражувања и развој (AMED), што ќе бидат поддржани.

Владата ќе обезбеди вкупно 66,9 милиони долари за поддршка на 4 компании, 4 универзитети и еден истражувачки институт, кои ќе работат на производството на вакцини.

Поддршката ќе се обезбеди од дополнителниот финансиски буџет за оваа година и ќе варира во зависност од обемот на проектот, а ќе се користи во основните фази на истражување и клиничко тестирање.

Од друга страна, јапонското Министерството за здравство објави дека проектот за вакцинирање во соработка со Универзитетот „Осака“ и компанијата „АнГес биофармација“ тест-фазата ќе ја помине во јули.