Две лица се повредени во пукотница во џамија во Франција

ЛОНДОН (AA) – Машко лице на возраст од 84 години е приведено откако пукаше и повреди две лица во џамија во Бајон, во јужна Франција, соопштија локалните медиуми, пренесува Anadolu Agency (AA).

Напаѓачот, кој е поранешен војник, пукал кон луѓе во џамија додека тие биле на молитва, при што повредил двајца постари мажи, кои биле пренесени во болница со сериозни повреди, пренесува весникот „Sud Ouest".

Напаѓачот, кој досега не е идентификуван, беше уапсен во неговиот дом во близина на Сен-Мартин-де-Сеинганкс.

Полицијата пронајде пиштол и гранати на адресата, додаваат локалните извештаи.

Во медиумските извештаи во кои се цитираат полициски извори се вели дека напаѓачот имал врски со екстремната десница и бил кандидат на партијата Национален фронт која подоцна го смени името во Национален собир, предводена од Марин Ле Пен.

Истрагата за инцидентот продолжува.