Билансот на загинати во израелските напади врз Газа порасна на 23.708

ГАЗА (АА) - Најмалку 23.708 Палестинци се загинати, а 60.050 се повредени во израелските напади во Појасот Газа од 7 октомври, објави денес Министерството за здравство на енклавата, јавува Анадолу.

Министерството соопшти дека во изминатите 24 часа загинале уште 151 лице, а 248 се повредени.

Голем број жртви сѐ уште се под урнатините и на патиштата, а екипите на брзата помош и цивилната одбрана не можат да стигнат до нив, додаваат од Министерството.

Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас на 7 октомври.

Властите тврдат дека во нападите на Хамас загинале околу 1.200 Израелци.

Израелскиот напад ја остави Газа во урнатини, при што 60 % од инфраструктурата на енклавата е оштетена или уништена, речиси 2 милиона жители се раселени, а постои и сериозен недостиг на храна, чиста вода и лекови.