Британската полиција започна потрага откако три жени се пронајдени мртви во Хертфордшир

ЛОНДОН (АА) – Денес во тек е потера поради смртта на три жени откако беа пронајдени тешко повредени во резиденција во Хертфордшир, Југоисточна Англија, јавува Анадолу.

Полицијата во Хертфордшир била повикана на имот во градот Буши пред 19 часот синоќа, каде што ги нашла трите жени со тешки повреди.

Сите три им подлегнале на повредите на местото.

Единицата за насилен криминал во Бедфордшир, Кембриџшир и Хертфордшир го идентификуваше Кајл Клифорд (26) од Енфилд, Северен Лондон, како лице поврзано со овој случај.

Се верува дека Клифорд се наоѓа или во подрачјето на Хертфордшир или во Северен Лондон, што предизвика опсежни операции за пребарување од страна на органите на редот.

Роб Хол, детектив во единицата, рече: „Ова е неверојатно тежок инцидент за семејството на жртвите и би побарале да се почитува нивната приватност додека се види што се случило.“

„Додека сè уште сме во раните фази на оваа истрага, активно го бараме Кајл Клифорд“, додаде тој.

Истакнувајќи ја сериозноста на ситуацијата, тој апелира: „Со оглед на сериозната природа на инцидентот, би замолил секој што знае каде се наоѓа веднаш да контактира со полицијата. Ве молиме не приближувајте му се. Можно е да е вооружен.“