Erbil Başay
09 Февруари 2021•Ажурирај: 10 Февруари 2021
БЕРЛИН (АА) - Германската Влада соопшти дека крајните десничари во Германија и во другите земји соработуваат, јавува Агенција Анадолија (АА).
Германската Влада, одговарајќи на пратеничкото прашање поднесено од Партијата на левицата, нагласи дека крајнодесничарската средина во Германија има одредено влијание врз крајната десница во другите земји поради нејзиниот голем потенцијал во однос на бројките и активностите.
„Крајната десница во Германија е во близок контакт со истомислениците во другите земји“, се истакнува во одговорот и се додава дека во тој контекст се реализираат меѓусебни посети.
Меѓу другото, во одговорот споделена е и информацијата дека германските крајни десничари учествувале во обука за оружје во странство, а како пример за тоа се покажани вежбите реализирани на стрелиштата во Чешка, кои работат легално.
Се посочува дека настаните организирани од крајнодесничарските организации од областа на музиката како што се „Blood and Honour“, „White Youth“ и „Hammerskins“, крајната десница ги користи за воспоставување меѓународна мрежа и контакт.
Исто така во одговорот се нагласува дека билетите и производите продадени во тие организации одат за финансирање на екстремнодесничарските структури.
Меѓу другото, во одговорот на Владата се наведува дека германските крајни десничари патувале во Украина за да учествуваат на тие настани.
Во одговорот на Владата на Германија се додава дека крајната десница се собира на годишнините на „меморијалните настани“, како што се „Денот на честа“ што се одржува во Будимпешта, главниот град на Унгарија, „Луковиот марш“ во Софија, главниот град на Бугарија, и маршот организиран во градот Дрезден во Германија поради бомбардирањето на градот од страна на сојузничките сили во војната.
Се нагласува дека младите крајни десничари покажуваат особено внимание за борбените спортови и дека тие активности крајните десничари ги користат за вмрежување, контакт и регрутирање нов персонал.
