Во воздушни напади на руски и сириски авиони на Идлиб, 5 загинати цивили

ИДЛИБ (АА) - Најмалку петмина цивили загинаа, а 11 се повредени во воздушните напади од страна на руските и сириските сили во градот Идлиб и неговата периферија, јавува Anadolu Agency (AA).

Службеници од импровизираните болници во Идлиб јавуваат дека авиони на војската лојална на режимот на сирискиот претседател Башар ал-Асад извеле жестоки напади во регионот Санаји во Идлиб, при што загинале најмалку пет лица, а повредени се осум цивили.

Од Цивилната одбрана во Идлиб јавуваат дека во нападите предизвикана е голема материјална штета, а избиле и неколку пожари во објектите.

Локалните власти јавуваат дека авиони на руските и сириските воздушни сили денес извеле напади врз населеното место Ериха во Идлиб, односно во местата Серакиб и Тафтаназ.

Паралелно со тоа, локалниот активист од Идлиб, Фирас Таки, за АА рече дека руски бомбардери го гаѓале селото Каиб ал-Лоз, кое е под контрола на сириската опозиција.

Во тие напади ранети се најмалку тројца цивили.