Државни медиуми: Хусите го обновија нападот со балистички ракети врз пристаништето Моха во Јемен

Јеменската група Хуси ги обнови нападите со балистички ракети врз стратегиското пристаниште Моха, во близина на теснецот Баб ел-Мандеб во југозападен Јемен, објавија денес државните медиуми, пренесува Анадолу.

Државната телевизија „Саба“ во краток извештај соопшти дека Хусите го гаѓале пристаништето со балистички ракети, без да објави дополнителни детали.

Телевизијата не прецизираше колку ракети биле истрелани, ниту дали во нападот има жртви или причинета материјална штета.

Хусите засега не го коментираа нападот.

Нападот се случи по еден ден откако владините сили соопштија дека Хусите го нападнале градот Моха со 10 балистички ракети и четири беспилотни летала.