Експлозии во катарската престолнина: Израел изведе напад врз лидерите на Хамас

ИСТАНБУЛ (АА) – Експлозии го потресоа денес главниот град на Катар, Доха, облаци од чад се издигнаа кон небото, по јавувањата за израелски напад врз лидерите на Хамас, јавува Анадолу.

Портпарол на израелската војска изјави дека армијата извршила „прецизен напад“ насочен кон високото раководство на Хамас, без да ја прецизира локацијата.

Висок израелски претставник за „Вала“ изјави дека нападот бил насочен кон високи лидери на Хамас во Доха.

Висок лидер на Хамас за телевизијата Ал Џезира со седиште во Доха изјави дека нападот се случил додека преговарачите на групата дискутирале за неодамнешниот предлог на американскиот претседател Доналд Трамп за прекин на огнот во Газа и размена на затвореници.

Министерството за надворешни работи на Катар остро го осуди израелскиот напад, нарекувајќи го „флагрантно кршење на меѓународното право“.