Загинаа 46 лица во сообраќајна несреќа во Уганда во која учествуваа неколку возила

АНКАРА / ИСТАНБУЛ (АА) - Во фатална сообраќајна несреќа во Уганда во која учествуваа повеќе возила, вклучувајќи и автобуси, загинаа 46 лица, соопшти полицијата денес, повикувајќи се на детали добиени од болниците, известува Анадолу.

„Во времето на несреќата, неколку лица биле пронајдени во несвест, а некои можеби погрешно биле вклучени во првичниот број на загинати“, објави полицијата на Уганда на американската компанија за социјални медиуми X, откако претходно објави дека бројот на жртви е 63.

Полицијата соопшти дека тесно соработува со здравствените и тимовите за итни случаи за да се обезбедат навремени и точни ажурирања како што се развивала ситуацијата.

Несреќата се случила денес во 00:15 часот по локално време (10:15 по средноевропско време) во селото Киталеба, по должината на автопатот Кампала - Гулу, соопшти претходно полицијата.

Во несреќата учествувале четири возила, два автобуси, камион и СУВ-возило, се вели во соопштението.

Полицијата изрази сочувство до семејствата на жртвите и ги повика возачите да „покажат максимална претпазливост на патиштата“.