Зеленски: Трамп повика на цврст и долгорочен мир во Украина

Украинскиот претседател Владимир Зеленски денес изјави дека добил „топла и охрабрувачка“ порака по повод Денот на независноста од американскиот претседател Доналд Трамп, кој повикал на „цврст и долгорочен“ во Украина, јавува Анадолу.

Трамп му го честитал празникот на украинскиот народ, пофалувајќи ги нивната издржливост, жртвите и вербата, соопшти Зеленски во објава на американската платформа за социјални медиуми Х.

„24 август е ден за прославување на нашето трајно пријателство изградено во текот на 35 години дипломатски односи, врска што само се продлабочи откако Украина ја стекна својата независност“, рече Трамп, според Зеленски.

„Да го искористиме овој момент за да ставиме крај на конфликтот и да изградиме цврст и траен мир што ќе го ослободи огромниот потенцијал на Украина за генерациите што доаѓаат“, додаде Трамп.

Зеленски рече дека зборовите на Трамп го креваат нивниот дух и даваат надеж дека украинските животи можат да бидат заштитени од руските напади и дека може да се постигне достоинствен мир.

„Овие зборови, слично како звукот на лансирањето ракета од системот 'Патриот ПАК-3', го креваат нашиот дух и даваат надеж дека животите можат да бидат заштитени од суровите напади на Русија и дека може да се постигне достоинствен мир“, рече тој.