АНКАРА (АА) - Постара Израелка ослободена синоќа од заробеништво на Хамас изјави дека била добро третирана во текот на двете недели од палестинската група, јавува Анадолу.
Говорејќи пред новинарите, 85-годишната Јочевед Лифшиц истакна дека Хамас ѝ дале лекар за да го следи нејзиното здравје и дека работеле на обезбедување на нејзините лекови.
Таа додаде дека нејзините киднапери од Хамас се грижеле за нејзините потреби.
„Јадевме леб, сирење и краставици, исто како нив. Ни кажаа дека веруваат во Куранот и дека нема да ни наштетат“, рече таа.
На прашањето зошто се ракуваше со еден од припадниците на Хамас за време на нејзиното ослободување, Лифшиц нагласи: „Затоа што добро се однесуваа со нас и се грижеа за сите наши потреби.“
Доцна во понеделникот, военото крило на Хамас, Бригадите Ал-Касам, соопшти дека ослободило двајца израелски заробеници - Јочевед Чифшиц и 79-годишната Нурит Купер, од хуманитарни причини.
Портпаролот на Ал Касам рече дека ослободувањето дошло со посредство на Катар и Египет.
Израелската Влада не го коментираше развојот на настаните, второто ослободување на заробеници од почетокот на конфликтот на 7 октомври. Првото ослободување беше на Американци.
Бригадите во претходна изјава соопштија дека држат околу 200-250 луѓе во заробеништво, вклучувајќи и израелски војници и цивили.
