Mehmet Nuri Uçar
18 Февруари 2023•Ажурирај: 18 Февруари 2023
МЕКА (АА) - За време на молитвата за жртвите од земјотресот во Туркије и Сирија, имамот на Каба, шеикот Салих бин Абдула ел-Хумејд, не можеше да ги задржи солзите додека ги споменуваше настраданите од катастрофата на 6 февруари, јавува Анадолу.
Во молитвата за време на хутбата (петочната проповед) како дел од вчерашната петочна молитва (џума намаз) во Месџид-л Харам во Мека, Саудиска Арабија, имамот на Каба, шеикот Хумејд, низ солзи се помоли за милост и помош Божја за настраданите и нивните семејства, пред илјадниците верници.
Во месџидот, кој е најсветото место за муслиманите, и нивната кибла, местото кон кое се насочуваат при молитвата, задолжителната молитва пет пати на ден, имамот на Каба им посака брзо оздравување на повредените и милост Божја за загинатите.
Илјадници верници се собраа за молитва во месџид Ал Акса, третото најсвето место за муслиманите, џамијата што се наоѓа во Источен Кудс (Ерусалим), Палестина.
Земјотреси со јачина од 7,7 и 7,6 степени според Рихтеровата скала, со епицентар во Кахраманмараш, погодија 11 турски области населени со над 13 милиони луѓе, уништувајќи илјадници згради.
Најмалку 39.672 лица го загубија животот во Туркије во двата силни земјотреси.
Во Сирија загинаа најмалку 3.688 луѓе, а над 14.749 луѓе се повредени.
