Постигнат прекин на огнот во Сувајда по судирите, објави Сирија

ИСТАНБУЛ (АА) – Денес е постигнат прекин на огнот во градот Сувајда, во јужна Сирија, по судирите меѓу вооружените групи Друзи и Бедуини, соопштија локалните медиуми, известува Анадолу.

Државната новинска агенција САНА, повикувајќи се на извор од Министерството за внатрешни работи, објави дека договорот предвидува распоредување безбедносни контролни пунктови во градот и целосна реинтеграција на градот во сириската држава.

Судирите избувнаа меѓу вооружените милиции на Друзите и бедуинските групи во Сувајда откако двете страни си одзеле возила едни на други.

Министерството за внатрешни работи на Сирија соопшти дека повеќе од 30 лица се убиени, а речиси 100 се повредени во насилствата што избувнаа во Сувајда.