Mücahit Oktay
19 Јули 2022•Ажурирај: 20 Јули 2022
ЊУЈОРК (АА) - Поплавите предизвикани од обилниот дожд што започна викендов негативно се одразија на животот на граѓаните во американските сојузни држави Њујорк и Њу Џерси, јавува Агенција Анадолија (АА).
Дождот, кој започна во неделата во северните делови на Њујорк и Њу Џерси, ги поплавија приземните катови на многу деловни објекти и домови. Заглавените граѓани беа спасени со чамци.
Поради обилните дождови кои два дена продолжија во регионот Бронкс и северните региони на Њујорк поплавени се дел од автопатите, а сообраќајот е парализиран.
Водата од реките, кои брзо се прелеаа поради обилните врнежи во регионите Норт Берген и Пасаик на северот на Њу Џерси, влезе во домовите и деловните објекти.
Во неделата вечерта во областа Хауторн, околу 300 луѓе беа спасени од екипите за пребарување и спасување откако реката Пасаик поплави еден ресторан.
Одредени автобуски линии во областите Њу Милфорд, Берген и Хакенсек беа затворени за сообраќај.
Исто така, десетици јавни автобуси во областа Ораделе не можеа да сообраќаат поради надојдените води.
