Muhammed Emin Canik
15 Октомври 2023•Ажурирај: 16 Октомври 2023
ИСТАНБУЛ (АА) - Саудискиот престолонаследник Мухамед бин Селман, на денешниот состанок со американскиот државен секретар Ентони Блинкен во Ријад, ја истакна важноста од почитување на меѓународното хуманитарно право во Газа, каде Израел продолжува со бомбардирање по минатонеделниот напад од страна на палестинската група Хамас, пренесува Анадолу.
Мухамед бин Селман и Блинкен, како што јави Саудиската прес агенција, разговарале за актуелната воена ескалација во палестинската енклава под опсада.
Саудискиот принц нагласил дека треба да се зголеми комуникацијата, да се смири ситуацијата и ја истакнал потребата од пронаоѓање начини за запирање на воените операции.
Тој го пренесе противењето на Кралството за нападите врз цивилите и инфраструктурата во Појасот Газа
Бин Селман повика на укинување на опсадата на Газа, да се донесе правда, стабилност и мир, и да се осигура дека палестинскиот народ ќе ги добие своите легитимни права.
