Средба Петков - Мицотакис: „Заедно можеме да постигнеме повеќе за регионалната стабилност на Балканот“

АНКАРА (АА) - Грчкиот премиер Кирјакос Мицотакис денес пристигна во главниот град на Бугарија, Софија, во официјална посета на земјата, соопшти бугарската државна новинска агенција БТА, пренесува Агенција Анадолија (АА).

Во заедничка изјава, објавена по нивната средба, бугарскиот премиер Кирил Петков рече: „Заедно можеме да постигнеме повеќе, особено во енергетиката, заедничката инфраструктура и за регионалната стабилност на Балканот“.

Лидерите на двете земји се согласија дека тековната изградба на гасоводот помеѓу Грција и Бугарија треба да биде завршена што е можно поскоро.

Мицотакис го повтори значењето што неговата земја го придава на односите со Бугарија.

„Ние имаме заеднички ставови на многу теми. Од сега, Атина и Софија започнуваат нова фаза од нивната соработка“, додаде тој.

Двјцата лидери, меѓу другото, дискутираа и за билатералните трговски односи и понатамошната соработкана полето на културата и туризмот.