Телефонски разговор меѓу Чавушоглу и Помпео

АНКАРА (АА) - Турскиот министер за надворешни работи, Мевлут Чавушоглу, оствари телефонски разговор со неговиот американски колега, Мајк Помпео, пренесува Anadolu Agency (AA).

Според информациите добиени од дипломатски извори, Чавушоглу и Помпео разговарале за темите за кои претходно, преку телефон, разговараа турскиот претседател, Реџеп Таип Ердоган, и претседателот на Соединетите Американски Држави (САД), Доналд Трамп.

Од прес-службата на Kабинетот на турскиот претседател беше соопштено дека Ердоган и Трамп разговарале за билатерални теми, за борбата против тероризмот, за случајот со саудискиот новинар Џамал Кашоги и последните случувања во Сирија.

Чавушоглу и Помпео последен пат остварија средба на 17 октомври, за време на посетата на Помпео во Анкара.