Esra Taşkın
07 Декември 2023•Ажурирај: 10 Декември 2023
ПАРИЗ (АА) - Француската Влада соопшти дека шефот на Хамас во Газа, Јахја Синвар, нема никаков имот во Франција, јавува Анадолу.
Во заедничкото соопштение на Министерството за надворешни работи и Министерството за економија се наведува дека Франција е решена да го спречи дејствувањето на Хамас преку заедничко дејствување со партнерите.
Во соопштението се наведува дека париската администрација во тој контекст работи на пресушување на финансиските ресурси на Хамас. Наведено е дека на 30 ноември одлучено е на шест месеци да се замрзнат средствата и економските ресурси за кои се тврди дека ги држи или контролира Синвар во оваа земја.
Во соопштението се наведува дека со оваа одлука се забранува обезбедување на Синвар со економски ресурси преку кое било физичко или правно лице, но и дека дотичниот водач на Хамас нема никаков имот во Франција.
Освен тоа, во соопштението се истакнува дека Франција работи на заострување на санкциите на европско ниво против припадниците на Хамас.
Француската Влада претходно одлучи да го замрзне имотот на Мухамед Деиф, водачот на военото крило на Хамас, „Бригадите Ал Касам“.
