Хамас: Израел сѐ уште не ги започна преговорите за втората фаза

АНКАРА (АА) - Палестинската група Хамас денес соопшти дека Израел сè уште не започнал преговори за втората фаза од договорот за прекин на огнот во Газа, известува Анадолу.

Во изјава за Анадолу, портпаролот на Хамас, Хазем Касем, ја повтори посветеноста на групата за „спроведување на сите фази од договорот“.

Касем нагласи дека „израелските обиди да изнудат политички отстапки или да го сменат договорот нема да успеат“.

Тој додаде дека Хамас е „целосно подготвен да ги започне преговорите за следната фаза од договорот“.