Шведските граѓани против провокациите кон Туркије и исламот

СТОКХОЛМ (АА) - АТИЛА АЛТУНТАШ -

Граѓаните на Шведска, изразувајќи ја својата загриженост поради провокациите против Туркије и исламот во нивната земја, истакнаа дека палењето на Куранот е срамна ситуација и злосторство од омраза.

Новинарот на Агенција Анадолија ги праша Швеѓаните за нивното мислење за провокациите против Туркије од страна на поддржувачите на терористичката организација ЈПГ/ПКК и дозволата за палење на Куранот во земјата.

Ингрид Колобариќ зборуваше за изјавата на турскиот претседател Реџеп Таип Ердоган, кој рече: „Шведска ќе биде шокирана кога ќе ѝ дадеме поинаква порака на Финска доколку е потребно“, нагласувајќи дека Шведска мора да го почитува Ердоган во однос на НАТО.

„Шведска треба да се срами од односот кон луѓето. Шведска мора прво да научи да почитува, да се однесува со почит кон луѓето низ светот. Пред да се обиде да се покаже сочувствителна кон Ердоган за влез во НАТО, таа треба да научи да го почитува претседателот Ердоган. Јас сум Швеѓанка со хрватско потекло. Шведска мора да ги почитува сите луѓе, без разлика на нивните религиски убедувања, раса, изглед или боја. Сега е време. Време е Шведска да научи да ги почитува сите луѓе“, рече Колобариќ.

„Јас сум била во Туркије, го веев турското знаме. Во Туркије бев 20 пати. Многу ја сакам и поддржувам Туркије. Некои зборуваат против Ердоган. Ердоган работи и се стреми само за својот народ. Видов како Ердоган, во текот на неговата посета на Хрватска, се однесува со почит кон поранешната претседателка Колинда Грабар-Китаровиќ и кон Хрватска. Шведска исто така треба да ја почитува Хрватска, исто како и Ердоган“, додаде таа.

Во врска со палењето на Куранот од страна на екстремно десничарскиот политичар Расмус Палудан, лидер на екстремно десничарската партија Страм курс, Колобариќ рече дека палењето на светите книги треба да запре.

- „Навреда кон религија и друго мислење е неприфатливо“ -

Лијам Тикс, друг шведски државјанин, рече: „Немам што повеќе да кажам за прашањето за НАТО. Колку што разбрав, има добри и лоши работи во врска со влезот во НАТО. Од друга страна, не мислам дека палењето на Куранот од страна на Палудан е праведно. Ова треба да се смета за злосторство од омраза.“

„Многу е срамно и лошо да се пали Куранот. Ова мора да биде забрането. Навреда кон религија и друго мислење е неприфатливо“, рече Изабела Шулцберг.

Бјерн Гилсбро истакна дека противењето на претседателот Ердоган за членството на Шведска во НАТО започна со противењето на терористичката организација ЈПГ/ПКК, додека според него, со палењето на Куранот од страна на Палудан, ова противење се искачи на врвот.

„Шведска нема потреба да стане членка на НАТО. Ние веќе имаме воен сојуз со земјите од Европската Унија (ЕУ) и земјите од НАТО. Палудан мора да престане да го провоцира народот“, додаде тој.

Исто така, Еба Лиедстрем, нагласувајќи дека нема многу познавања за прашањето со НАТО, истакна дека провокацијата на Палудан со Куранот е срамна и дека тој направил детски чин за да ја вознемири јавноста.