Лорис Кариус ги помина лекарските прегледи во Бешикташ

ИСТАНБУЛ (АА) - Германскиот голман Лорис Кариус утринава ги помина лекарските прегледи и е подготвен да ги зајакне редовите на истанбулскиот фудбалски великан Бешикташ, јавува Anadolu Agency (AA).

Кариус во Бешикташ доаѓа како позајмен фудбалер од англискиот Ливерпул, а во Истанбул ќе остане најмалку две години.

Тој синоќа пристигна во градот на Босфор, а утринава беше подложен на рутински лекарски прегледи во болницата „Аџибадем Алтунизаде“.

Бешикташ во рамките на турската Спор тото суперлига вечерва ја дочекува екипата на Анталијаспор, а Кариус ќе го гледа мечот од трибините. Веќе во наредниот круг би можел да го забележи првиот настап за црно-белите.