Seda Tolmaç
09 Септември 2026•Ажурирано: 09 Септември 2026
Турските аеродроми опслужија околу 167,5 милиони патници во првите осум месеци од годината, објави денес Генералниот директорат на Државната управа за аеродроми (ДХМИ), јавува Анадолу.
Турскиот министер за транспорт и инфраструктура, Абдулкадир Уралоглу, изјави дека патничкиот сообраќај се зголемил за 2,8% до крајот на август оваа година во споредба со истиот период минатата година, вклучително и патниците со директен транзит.
Бројот на летови во периодот јануари-август изнесуваа вкупно 1,6 милиони, вклучително и прелетите, од кои 667.653 на домашни линии и 611.588 на меѓународни дестинации.
Карго сообраќајот достигна речиси 4 милиони метрички тони, од кои 654.295 тони беа превезени на домашни дестинации, а речиси 3,6 милиони метрички тони беа превезени на меѓународни линии.
Аеродромот „ИГА Истанбул“ опслужи 56,6 милиони патници на вкупно 52.468 лета во првите осум месеци од годината, а регистрираше 365.487 лета на воздухоплови. Уралоглу истакна дека 11,9 милиони од вкупниот број патници летале на домашни линии, а 44,7 милиони патувале на меѓународни дестинации во овој период.
Аеродромот опслужил речиси 8,6 милиони патници само во август, од кои 1,8 милиони биле на домашни линии, а 6,7 милиони биле на меѓународни линии.
Аеродромот „Сабиха Ѓокчен“, на азиската страна на Истанбул, превезе 33,1 милиони патници во периодот јануари-август со вкупно 188.833 лета, од кои 84.077 биле на домашни линии, а 104.756 биле на меѓународни дестинации. Околу 15,2 милиони патници летале на домашни дестинации, а 17,9 милиони на меѓународни линии, рече министерот.
Аеродромот „Ататурк“ во Истанбул опслужил околу 17.903 авиони во текот на осуммесечниот период, а само во август опслужил 2.594.
Во меѓувреме, бројот на патници што биле опслужени на аеродромите во туристичките центри достигна вкупно 41,6 милиони во периодот јануари-август, додека вкупниот број на летови достигна 277.435 во истиот период.
Во август биле опслужени околу 28,8 милиони патници, додека вкупно 255.970 авиони полетале и слетале на патничките аеродроми, вклучително и прелетите, при што домашните дестинации учествувале со 97.625, а меѓународните линии со 106.231 - вкупниот број на меѓународни летови се зголемил за 1,5% во однос на претходниот месец.
„Аеродромите во Турција со најголем капацитет за патници, поточно аеродромот 'ИГА Истанбул' и аеродромот 'Анталија', опслужиле 81,7 милиони патници за само осум месеци, што е двојно повеќе од бројот на патници што биле опслужени низ целата земја во 2002 година“, рече тој.
