Есенските бои доминираат на висорамнините покрај Црното Море во Турција

СКОПЈЕ (АА) - Со доаѓањето на есента на висорамнините во регионот на Трабзон и Артвин, дрвјата ја заменија зелената боја со нијанси на жолта, портокалова и црвена боја, известува Анадолу.

Како што времето заладува, облаците од магла прекрија и некои висорамнини, создавајќи прекрасна глетка во која шарената природа се среќава со маглата.

Висорамнините на повисоките надморски височини во регионот на Црното Море продолжуваат да ги привлекуваат посетителите во есенската сезона со сиот колорит на есента.

Љубителите на природата можат да уживаат во боите на есента кои ги прекриле и обоиле подрачјата на висорамнините, езерата и селата во Црноморскиот Регион.