Истанбулските улици пусти во текот на повеќедневниот полициски час

ИСТАНБУЛ

Тишина владее на вториот ден од полицискиот час во Истанбул, што започна во рамките на мерките против коронавирусот (Ковид-19), пренесува Агенција Анадолија (АА).

Поради полицискиот час, што започна во четвртокот во 21 часот и ќе трае до понеделник до 5 часот, улиците се пусти на двата континента.

Кадикој и Ускудар, кои пред воведувањето на мерките беа фреквентни во секој период, сега се празни.

Мал број граѓани купуваа од прехранбените продавници, пазари, пекарници и месарници на кои им било дозволено да останат отворени во текот на ограничувањата.

Полициските тимови ги прегледуваа возачките и патничките дозволи на одредени места низ Истанбул. Општинските тимови, исто така, изведуваа работи за чистење и за инфраструктурата на улиците и плажите.

Познатиот истанбулски дел Еминону угости туристички групи во полицискиот час. Туристите се фотографираа пред градските знаменитости.