Остатоци од бастиони и ѕидови пронајдени во длабочините на езерото Ван

ВАН (АА) - Во длабочините на езерото Ван, на 15 метри под површината, во близина на брегот на островот Акдамар, идентификувани се остатоци од ѕидови и структура слична на бастион, јавува Анадолу.

Истражувањата беа спроведени од документарниот продуцент и кинематограф Тахсин Џејлан и неговиот тим, во соработка со нуркачкиот тим на Командата на Крајбрежната стража на езерото Ван, претставник на Турската федерација за подводни спортови и инструкторот од нуркачкото училиште во Ван, Серкан Ок, кои нурнаа во длабочините на езерото Ван.