Merve Berker
15 Ноември 2023•Ажурирај: 17 Ноември 2023
ИСТАНБУЛ (АА) - Првата дама на Туркије денес ги повика првите дами и господа низ светот да бидат глас за Газа и да помогнат да се запрат израелските напади во кои досега загинаа над 11.000 Палестинци, јавува Анадолу.
Емине Ердоган беше домаќин на Самитот „Едно срце за Палестина“ со другите сопруги на шефовите на држави од целиот свет во турската метропола Истанбул, како дел од напорите на Анкара да се стави крај на тековната израелска војна во Газа.
Во својот воведен говор на Самитот Емине Ердоган го предупреди Израел дека со неговите акции во Газа ќе биде запаметен исто како и „суровоста што сакаше да ги уништи Евреите“, предизвикувајќи го холокаустот.
Таа праша која е разликата помеѓу Хирошима и Газа, мислејќи и на бројот бомби фрлени врз опколената енклава - еквивалент на две нуклеарни бомби, според Организацијата за мониторинг на човековите права „Евро-Мед“.
На прашањето што ја задржува „совеста на светот“ да ги спречи проектилите што паѓаат врз децата во Газа, Емине Ердоган рече: „Бидејќи надземјето е претворено во пекол, а подземјето во некропола за деца, невозможно е остварување на одредена ветена иднина таму.“
„Кој некогаш би можел да се почувствува навистина безбеден во поредокот изграден врз такво уништување?“, праша таа.
Обраќајќи им се и на Израел и на петте постојани членки на Обединетите нации (ОН), таа рече: „Кој клучен праг на смртта го чекате за да ја запрете оваа жестокост?“
- Четириесет дена „срам“ -
Тоа што се случува во Газа во последните 40 дена првата дама на Туркије го опиша како „ера на срамот“.
„Никогаш нема да ѝ се предадеме на оваа темнина што еден живот го дискриминира од друг, што го обезвреднува секој што не е таков“, истакна таа.
„Поради оваа причина ги повикувам сопругите на сите шефови на држави да бидат гласот на убиените во Газа и на оние чии гласови се потиснуваат и замолчуваат додека продолжува масовниот колеж“, додаде таа.
Емине Ердоган го повтори повикот за „прекин на огнот, за мир и хуманитарна помош“, додавајќи дека сите први дами треба да го обединат својот глас за итен прекин на огнот: „Она што го гледате не е војна, тоа значи дека силните ги користат слабите.“
„Овој Самит треба да биде конкретна иницијатива преземена за мир во Палестина“, нагласи таа.
„Им должиме иднина на младите од Газа, која е соодветна за човечкото достоинство, освен да убиваме или да бидеме убиени“, посочи таа.
„Затоа сега е време да се воспостави одамна долго одовлекуваниот мир кој го ветува дводржавното решение, кое вклучува целосно независна палестинска држава со главен град Источен Ерусалим и чиј територијален интегритет е зачуван“, нагласи таа.
„За мир и спокојство на регионот, па дури и на светот, неправедната окупација на Палестина (од страна на Израел) мора да заврши, а Израел мора да ги врати териториите што ги зеде од Палестинците“, посочи таа.
Емине Ердоган додаде: „Газа мора да се обнови за да понуди светла иднина за своите деца.“
„Сега треба да се формира фонд во рамките на меѓународните организации, како што се ОН и Организацијата за исламска соработка за обнова на училиштата, парковите и болниците уништени од Израел“, предложи таа.
„Мајките треба да ги бакнуваат децата пред спиење, а не нивните гробови“, додаде таа.
