Првата дама на Турција со надеж дека Генералното собрание на ОН ќе придонесе за глобален консензус и мир

Првата дама на Турција, Емине Ердоган, денес изрази надеж дека 81. Генерално собрание на ОН ќе му донесе придобивки на човештвото преку донесените одлуки и воспоставувањето нови дипломатски врски, како и дека ќе придонесе за поголем глобален консензус и мир, пренесува Анадолу.

„Се надевам дека 81. Генерално собрание на ОН ќе му донесе придобивки на целото човештво преку одлуките што ќе бидат донесени и новите врски што ќе бидат воспоставени. Се надевам дека оваа интензивна дипломатска активност ќе придонесе за консензусот и спокојството што му се потребни на светот“, рече Ердоган на турската платформа за социјални медиуми „НСосијал“.

Дебатата на високо ниво на Генералното собрание на ОН започна во вторникот во Њујорк под мотото „Враќање на довербата, управување со трансформацијата: Обединети нации кои даваат резултати за сите“.

На собирот присуствуваат шефови на држави и влади, кои разговараат за главните меѓународни безбедносни, геополитички и економски прашања.

81. заседание на Генералното собрание официјално започна на 8 септември, додека дебатата на високо ниво е предвидено да заврши на 28 септември.