АНКАРА
Луѓето низ Турција синоќа беа сведоци на прекрасната глетка на полната Месечина на небото во таа земја, јавува Агенција Анадолија (АА).
Фотографиите на полната Месечина, лунарната фаза кога Месечината од перспективата на Земјата е во потполност осветлена, ја забележаа репортерите на АА во Анкара и во областа Елазиг.
Фоторепортерот на АА ја забележа појавата на полната Месечина над местото Палу во областа Елазиг, додека фоторепортерот во Анкара ја фотографираше силуетата на Мустафа Кемал Ататурк, основачот на Република Турција, под полна Месечина, како и полната Месечина зад полумесечината и ѕвездата, симболите на турското знаме.
