Разговор Ердоган – Абас: Зачувувањето на Ал Акса е должност на целиот исламски свет

АНКАРА (АА) - Претседателот на Турција, Реџеп Таип Ердоган, денес имаше телефонски разговор со претседателот на Палестина, Махмуд Абас, јавува Anadolu Agency (AA).

Како што потврдија извори од Претседателството на Турција, Ердоган и Абас разговарале за сѐ почестите напади врз Палестина, нагласувајќи ги мерките за забрана во врска со комплексот на џамијата Ал Акса во Ерусалим.

Во раговорот меѓу двајцата претседатели, нагласено е дека е неприфатливо кршењето на правата на Палестина и Палестинците од страна на Израел, а особено е изразена загриженост поради интензивираните напади и забрани во Ерусалим.

Ердоган нагласи дека зачувувањето на толку значајна џамија како што е Ал Акса во Ерусалим, е од огромно значење за целиот исламски свет.

Претседатеот Абас му се заблагодари на Ердоган за поддршката што Турција ѝ ја дава на Палестина.