Советот на министри на групата Д-8 повика на „итен, траен, безусловен“ прекин на огнот во Газа

ИСТАНБУЛ (АА) – Советот на министри на групата Д-8 денес повика на „итен, траен, безусловен“ прекин на огнот и ставање крај на израелската агресија врз Палестинците во опколената енклава, јавува Анадолу

Заедничката декларација, исто така, ги повика сите земји да обезбедат строго придржување на Израел до привремените мерки наредени од Меѓународниот суд на правдата (МСП).

Нациите од групата Д-8 „ја потврдуваат непоколебливата поддршка на земјите членки на Д-8 на борбата на палестинскиот народ за остварување на своите неотуѓиви права, полноправното членство на Палестина во Обединетите нации и сите резолуции поврзани со палестинската кауза на меѓународните форуми“, се вели во декларацијата.

Денес во Истанбул се одржа вонреден состанок на Советот на министри за надворешни работи на земјите членки на групата Д-8 на кој се разговараше за ситуацијата во Газа.