Турски МИТ неутрализира висок терорист на ПКК

АНКАРА (АА) — Турската разузнавачка служба (МИТ) неутрализира висок терорист на ПКК/ЈПГ, соопштија денес турски безбедносни извори, јавува Анадолу.

Терористот, сириски државјанин со кодно име Бахоз Африн, е таканаречен водач на терористичката организација во регионот Ајн ал-Араб во северна Сирија, соопштија изворите кои сакаа да останат анонимни.

Тие додадоа дека МИТ добил разузнавачки информации кои укажуваат дека терористот планирал нов терористички акт против безбедносните сили долж границата.

Операцијата е започната откако е откриено дека терористот е во напредна фаза на финализирање на терористичкиот акт.

Извештаите покажуваат дека ПКК/ЈПГ се наоѓа во тешка криза на раководството во Ајн ал Араб, поради тоа што турските разузнавачки сили ги неутрализираат терористите кои се испраќаат во регионот.

Во својата над 35-годишна терористичка кампања против Туркије, ПКК – која е ставена на листата на терористички организации од страна на Туркије, САД и ЕУ – е одговорна за смртта на повеќе од 40.000 луѓе, меѓу кои и деца и жени. ЈПГ е сириски огранок на ПКК.