Шентоп: „Приведувањето на децата во Франција е бандитизам"

АНКАРА

Претседателот на Големото народно собрание на Турција (ТБММ), Мустафа Шентоп, упати критики за приведувањето на децата од страна на полицијата во Франција за наводна „апологија за тероризам“, опишувајќи го овој чекор како бандитизам, јавува Агенција Анадолија (АА).

„Ова е државен бандитизам. За тоа треба да се води сметка во согласност со законот“, рече Шентоп во изјава за медиумите во Истанбул.

Осврнувајќи се на последните случувања и изјави во Франција против исламот и муслиманите, Шентоп рече дека тие ги засегаат сите муслимани кои живеат во исламскиот свет веќе подолго време.

Во четвртокот, четири деца на 10-годишна возраст беа приведени од страна на полицијата повеќе од 11 часа во Албервил, Франција, под обвиненија, наводно, поврзани со „апологија за тероризам“, рече таткото на едно од приведените деца.

„Десет маскирани полицајци кои носеа долги пиштоли влегоа во куќата“, нагласи тој.