Afganistan, reshjet e mëdha të borës marrin jetën e 4 fëmijëve

Si pasojë e reshjeve të mëdha të borës, katër fëmijë e kanë humbur jetën në provincën qendrore Daikundi të Afganistanit, raporton Anadolu Agency (AA).

Zyrtarët për AA njoftuan se ngjarja ndodhi në rrethin Keti në malësinë qendrore ku nxënësit e shkollave fetare u bllokuan në një grumbull dëbore.

Sipas kreut të autoritetit të menaxhimit të katastrofave, Assadullah Sarëari, fëmijët ishin duke shkuar në shkollë. Ai njoftoi se një ekip i shpëtimit u dërgua në zonë.

Ndërkohë, në provincën Bamyam ku rrugët e transportit mbeten të mbyllura që nga e premtja, reshjet e borës dhe rrëshqitja e tokës plagosën të paktën 15 persona, përfshirë gra dhe fëmijë.

Sipas të përditshmes lokale 8AM News, incidenti ndodhi në rrethin Yaka Olang ku disa shtëpi banimi u dëmtuan për shkak të reshjeve të mëdha të borës.

Një ditë më parë, Autoriteti Kombëtar i Menaxhimit të Fatkeqësive njoftoi rihapjen e autostradës kryesore Salang pas disa ditësh mbyllje për shkak të borës së madhe. Kjo rrugë kryesore lidh të gjitha provincat veriore me kryeqytetin Kabul.