Afrikë, numri i viktimave nga COVID-19 shkon në 214.480

Në Afrikë ka shkuar në mbi 214 mijë numri i personave që kanë humbur jetën nga koronavirusi i ri (COVID-19), transmeton Anadolu Agency (AA).

Sipas faqes së internetit "Worldometers", e cila përpilon të dhënat më të fundit mbi pandeminë, numri i rasteve me COVID-19 në Afrikë është rritur në 8.464.002

Në kontinent, numri i vdekjeve ka arritur në 214.480, ndërsa numri i të shëruarve shkoi në 7.771.981.

Shifra më e madhe e rasteve në kontinent është regjistruar në Republikën e Afrikës së Jugut, pasuar nga Maroku, Tunizia dhe Etiopia.

Ndërkohë, numri më i madh i vdekjeve nga virusi është regjistruar në Republikën e Afrikës së Jugut, Tunizi dhe Egjipt.

Sipas të dhënave të Qendrës Afrikane për Kontrollin dhe Parandalimin e Sëmundjeve (Afrika CDC), 200 milionë doza vaksine janë dërguar në kontinent, ndërsa janë aplikuar 153 milionë doza.