Ekip
19 Nëntor 2020•Përditësim: 19 Nëntor 2020
Kryeministri i Britanisë së Madhe, Boris Johnson ka dhënë mbështetjen e tij për atë që vlerësohet si programi më i madh i investimeve në forcat e armatosura të vendit që nga fundi i Luftës së Ftohtë tre dekada më parë, transmeton Anadolu Agency (AA).
Johnson ka vendosur të paraqesë detajet e një marrëveshjeje financiare 4-vjeçare për Ministrinë e Mbrojtjes për të cilën tha se do të "transformojë" ushtrinë, duke e orientuar atë drejt kërcënimeve të mundshme të së ardhmes.
"Situata ndërkombëtare është më e rrezikshme dhe më konkurruese se kurrë më parë që nga Lufta e Ftohtë dhe Britania duhet të jetë e sinqertë ndaj historisë së saj dhe të qëndrojë përkrah aleatëve tanë", tha ai.
Johnson do t'u flet deputetëve nga distanca, pasi që është në vetë-izolim sepse dyshon të ketë pasur kontakt me dikë që më pas rezultoi pozitiv me koronavirus, se forcat e armatosura do të marrin një shtesë prej 16.5 miliardë funta (21 miliardë dollarë) më shumë si dhe mbi planet aktuale të qeverisë.
Sekretari i Mbrojtjes, Ben Wallace tha se marrëveshja është "e mjaftueshme" që forcat e armatosura të modernizohen, por refuzoi të fliste nëse disa nga paratë e reja do të vijnë nga buxheti i ndihmës jashtë vendit.
"Kjo do të thotë se ne mund të kemi një diskutim të duhur në lidhje me atë se cilat janë ambiciet tona globale dhe si do t'i financojmë", tha ai për "Sky News".
"Kur shkoj jashtë vendit, ajo që shumë vende duan nga ne është njohuria jonë, pajisjet tona dhe kuptimi ynë se si të ofrojmë siguri dhe si të ofrojmë mbrojtje", tha ai.
Shqetësimet janë rritur në muajt e fundit pasi qeveria po shikon mënyra për të shkurtuar angazhimet e saj për ndihmën jashtë shtetit, pjesërisht sepse financat publike janë ngarkuar nga kostot e lidhura me pandeminë e koronavirusit.
Qeveria tashmë ka përfshirë departamentin e mbikëqyrjes së ndihmës së huaj në Ministrinë e Jashtme dhe disa në qeveri kanë argumentuar për një ulje të shpenzimeve të ndihmës nga 0.7 për qind të të ardhurave bruto kombëtare të vendit në 0.5 për qind, e cila do të ishte e barabartë me miliarda funta.
Wallace këmbënguli se qeveria nuk po "braktiste fushën e betejës së ndihmës ndërkombëtare" por tha se "vendimet për numrat" do të zbulohen nga shefi i Thesarit, Rishi Sunak javën e ardhshme.
Si pjesë e shpenzimeve të reja të mbrojtjes, do të krijohet një agjenci e re kushtuar inteligjencës artificiale dhe parashikohet gjithashtu një "komandë hapësinore" e aftë për lansimin e raketës së parë të Mbretërisë së Bashkuar.
Shefat ushtarakë kanë mbrojtur fuqimisht marrëveshjen shumë-vjeçare në mënyrë që ata të mund të planifikojnë përpara, pavarësisht braktisjes së Sunak të një rishikimi afatgjatë të shpenzimeve si rezultat i pandemisë.
