Danimarka deporton nënën e 2 fëmijëve pas dhunës dhe injektimit të drogës

Një nënë me origjinë iraniane në Danimarkë u deportua dhe iu nënshtrua dhunës, transmeton Anadolu Agency (AA).

Gazeta daneze "Vinkel360" raportoi të mërkurën se një grua që jetonte në 7 vitet e fundit në qendrën e azilkërkuesve Avnstrup në qytetin Hvalso me dy fëmijët e saj, u godit nga katër policë me rroba civile dhe iu injektua drogë.

Pas efektit qetësues të injeksionit, gruaja u fut në një avion iranian dhe u deportua, thuhet në raport.

Video-pamjet, të regjistruara nga azilkërkues të tjerë, shkaktuan reagime të shumta në rrjetet sociale.

Duke ndarë pamjet, Trampolinhuset, Zyra e Këshillimit Ligjor të Azilkërkuesve tha se do të paraqesë një ankesë penale kundër autoriteteve për shkak të shkeljes së të drejtave të njeriut.